Buğa
İyul ayında sizi fors-major situasiya gözləyir. Lakin problemlərin həll olunma yolu var və siz onların öhtəsindən öz başına gələcəksiniz. Maddi durumunuz dəyişməyəcək. Ailədə bəzi anlaşılmazlıqlar ola bilər. Səyahət üçün yaxşı vaxtdır, lakin onun asand keçib-keçməyəcəyi məlum deyil. Sükan arxasında olarkən diqqətli olun.

Qoç 
Həyatınızda baş verən hər şey ürəyinizcədir. Ona görə də bu ay həyatınızda olan çatışmazlıq və nöqsanlarla da razılaşacaqsınız. Ətrafınızda olan insanlardan kimsə bunu dəyişməyə çalışsa belə icazə verməyin. Bu ay yeni sevgi münasibətləri üçün uyğun vaxt deyil. Daha əvvəl qurulan münasibətlərdə isə əsas təşəbbüskar siz olmalısınız.

Əkizlər
Yayın ortasında sizin həmişə olduğu kimi zəhərlənmə ehtimalınız var, buna görə qidalanmanıza fikir verin. Şəxsi həyatınızda siz iki romantik münasibət arasında qalacaqsınız. İşdə yeni danışıqlar və axtarışlar gözlənilir. Emosiyalara qapılmasanız bu ayda çoxlu müvəffəqiyyət qazanmaq şansınız var. Çalışın ağılla hərəkət edəsiniz.

Xərçəng 
Həyatınızın həyəcanlı dövrü başlayır. Əməkdaşlarınız sizinlə mübahisə etməyə başlayacaq, yerinizə və cibinizə göz dikəcək. Şəxsi həyatınızda da eyni vəziyyət yaranacaq. Çalışın ehtiyatlı və təmkinli davranasınız. Maddi durumunuz o qədər ürəkaçan olmaya bilər, pula qənaət etməlisiniz.

Şir
Mənasız söhbət və hadisələrdən uzaq durmanız məsləhətdir. Bu ayı istirahətə sərf etsəniz uduzmazsınız. Sənədləşmə işlərində diqqətli olun, bəzi çətinliklər yarana bilər. Tanımadığınız mühitə düşdükdə problemlər olacaq, onların öhdəsindən ustalıqla gələcəksiniz. Qohumlarınızın sizə ehtiyacı olacaq.

Qız 
Sizə maraqlarınıza uyğun olmayan təkliflər gələcək. Onları qəbul etməli olacaqsınız, çünki bu işi təklif edən insan sizə faydalı ola bilər. Yeni xərclər üzə çıxacaq, maddi vəziyyətiniz tez-tez dəyişəcək. Ailədə kiçik problemlər yaranacaq ki, bunu yalnız siz həll edə bilərsiniz. Övladlarınıza qarşı diqqətli olun.

Tərəzi 
İşgüzar həyatınız üçün iyul ayı olduqca müvəffəqiyyətli olacaq. Maddi baxımdan sıxıntı çəkməyəcəksiniz, bununla yanaşı, əlavə gəlir əldə etmək ehtimalınız var. Şəxsi həyatda yalnız subay xanımların bəxti gətirəcək. Ailənizlə bağlı qalmaqallar yaşayacaqsınız və bu, əsəblərinizə təsir edəcək.

Əqrəb
Çoxdan saxladığınız sirlər üzə çıxacaq. Böyük ehtimal ki, bu sizin şəxsi həyatınızla bağlıdır. Ehtiyatlı olun, ailədə problemlər yarana bilər. İşinizə ciddi yanaşın, bəzi əməkdaşlarınız ayağınızın altını qazacaq. Bu ay sizə gələcəkdə kömək olacaq yeni təkliflər gələcək. Maddi baxımdan əziyyət çəkməyəcəksiniz.

Oxatan
İşinizlə əlaqədar səhayətə çıxacaqsınız. Bəzi məsələlərdə iş yoldaşlarınızla dil tapmağa çalışın. Əsəbiləşib özünündən çıxmayın. Problemləri sülh yolu ilə həll edin. Şəxsi həyatınız romantika ilə dolu olacaq. Hərdən seçim qarşısında qala bilərsiniz.

Oğlaq 
Əgər iyulda səyahət nəzərdə tutmusunuzsa, yaxşı olar ki, bunu ayın ikinci yarısında həyata keçirəsiniz. Şəxsi məsələlərdə ehtiyatlı olun, illərlə davam edən münasibətlər bir anda sona çata bilər. Peşəkar sahədə öz ideyalarınıza ehtiyac qalmayacaq, başqalarının fikrindən istifadə edərək işinizdə uğur qazana bilərsiniz.

Dolça 
Sizi əsl qalmaqallar burulğanı gözləyir. Ən əsand çıxış yolu heç kəsin tərəfini tutmamaqdır. İşdə yoldaşlarınızı tez-tez əvəz etməli olacaqsınız. Şəxsi həyatınız yeni hadisələr və sürprizlərlə dolu olacaq. Çalışın başınızı itirməyin. Maddi vəziyyət sabit olraq qalacaq, lakin səhətinizlə bəzi problemlər yarana bilər.

Balıqlar 
Yeni layihələrə imza atmaq üçün əlverişli vaxtdır. Uzaq yaşayan partnyorlarla əməkdaşlığı bərpa etmək işinizə yarıya bilər. Həmçinin səyahət etmək üçün əla zamandır. İşə başınızı qatıb, səhətə diqqət yetirməyi unutmayın. Ailədə sakitcilikdir, nikahda olmayan sevgililər isə ayrıla bilər.